Եվրոպայի խորհրդի խորհրդարանական վեհաժողովն ամառային նստաշրջանի բացման ընթացքում հունիսի 26-ին հավանության է արժանացրել հայկական պատվիրակության կազմը։
Պատվիրակության կազմում ներառվել են Սամվել Ֆարմանյանը, Արփինե Հովհաննիսյանը, Արմեն Ռուստամյանն ու Նաիրա Զոհրաբյանը։
Եթե նրանցից որեւէ մեկը չկարողանա կատարել իր պարտականությունները, կփոխարնեն Գեւորգ Կոստանյանը, Էդմոն Մարուքյանը, Միքայել Մելքումյանն ու Հերմինե Նաղդալյանը։
Հիշեցնենք, որ այսօր Ստրասբուրգում մեկնարկել է ԵԽԽՎ ամառային նստաշրջանը, որը կավարտվի հունիսի 30-ին։ Նստաշրջանի ընթացքում կքննարկվեն հիմնականում Եվրոպայի եւ ներգաղթյալների վերաբերյալ հարցեր։