Հայաստանի պարտքը բավական մեծ է, իսկ ներդրումները՝ երկրի գլխավոր խնդիրը։ Այս մասին հունիսի 26-ին լրագրողների հետ հանդիպմանն ասաց Կովկասի ինստիտուտի տնօրեն, քաղաքագետ Ալեքսանդր Իսկանդարյանը։
Նրա խոսքով՝ գոյություն ունեցող գրեթե բոլոր խնդիրների պատճառը փողերի ու ներդրումների բացակայությունն է։ Հայաստանի համար բարդ խնդիր է ներդրումներ ներգրավելը, քանի որ այն շատ փոքրիկ երկիր է՝ ոչ մեծ շուկայով՝ ի տարբերություն Չինաստանի, Ղազախստանի կամ նույնիսկ Ուկրաինայի։ Իսկանդարյանը հավելեց, որ օրերս Հայաստանի Ազգային ժողովի ընդունած Կառավարության ծրագիրը մյուսներից ավելի վատը չէ։
«Իսկ ի՞նչ ավելի լավ ծրագիր ենք ընդունել։ Դուք նման բան հիշո՞ւմ եք։ Ես՝ ոչ։ Հետեւաբար, տեղի է ունենում այն, ինչ տեղի է ունենում։ Կառավարության խնդիրը շատ լուրջ է»,- ընդգծեց փորձագետը։
Հետեւաբար, Կովկասի ինստիտուտի տնօրենի կարծիքով, նախագահ Սերժ Սարգսյանի հրաժարականը պահանջելու պատճառներ չկան՝ մինչեւ 2018 թվականի ապրիլին նրա հեռանալը։
«Սկզբունքորեն ես այնքան էլ համաձայն չեմ Հայաստանում հայտնի մոտեցման հետ։ Եթե փոփոխություններ պետք է տեղի ունենան, ապա միայն Հայաստանը Շվեյցարիա կամ Զիմբաբվե դարձնելու նպատակով»,- նշեց Ալեքսանդր Իսկանդարյանը։
