2016-ին Հայաստանում կրճատվե է վարչական տուգանքների քանակը։ Այս մասին ասվում է 2016-ին Հայաստանի մակրոտնտեսական իրավիճակի նկարագրության մեջ, որը կցվել է պետբյուջեի կատարման մասին հաշվետվությանը։ Հաշվետվության քննարկումը սկսվել է հունիսի 26-ին ԱԺ-ում։

Տուգանքները, մասնավորապես, նվազել են տեսչական ստուգումների կրճատման հետեւանքով, ինչը կապակցված է Հայաստանի կառավարության 2016-ի հուլիսի 30-ին կայացված որոշումով։ Դրա պատճառով տուգանքներից մուտքերը կրճատվել են 8․2 տոկոսով կամ 1․2 մլրդ դրամով։ Մասնավորապես 17 տոկոսով կրճատվել են Պետեկամուտների կոմիտեից ստացվող տուգանքները, 70 տոկոսով կամ 150․6 մլն դրամով՝ բնապահպանության նախարարությունից ստացվող տուգանքները։

Կրճատվել են նաեւ այն ծախսերը, որոնք ֆինանսավորվում են Ճանապարհային ոստիկանության տուգանքներից ու դրա վճարովի ծառայություններից   մեքենաների գրանցում եւ այլն)։ Այդ ծախսերը կազմել են 11․9 մլրդ դրամ, կամ էլ 11․1 –ով քիչ, քան անցած տարի։ Կրճատվել է նաեւ մեկ ճանապարհային տեսախցիկին բաժին ընկնող ակտերի քանակը ու տուգանքների միջին չափը։