Իրանի նավթամշակային գործարանում տեղի ունեցած հրդեհի հետեւանքով 5 մարդ է տուժել։ Այս մասին հայտնել է ճգնաժամային իրավիճակների հարցերով վարչության ղեկավար Մանսուր Շիշե- Ֆորուշը, փոխանցում է Tasnim-ը։
Նա հերքել է այն տեղեկությունը, որ հրդեհի հետեւանքով 100 մարդ է տուժել։ «Շոգ եղանակի պատճառով ծծումբի թափոնների բաժնում հրդեհ է բռնկվել, ինչը հանգեցրել է հինգ մարդու աննշան վնասվածքների, որոնք շնչել էին այդ թունավոր ծուխը»-ասել է նա։