Մեքսիկայում մահացած են գտել այն լրագրողին, որին անցած ամիս առեւանգել էին Միչոական նահանգում, հայտնել է ոստիկանության ներկայացուցիչը, փոխանցում է Reuters-ը։

Նրա խոսքով մարմինը հայտնաբերվել է հունիսի 14-ին, ԴՆԹ թեստը հաստատել է, որ աճյունը պատկանում է մեքսիկացի հեռուստալրագրող Սալվադոր Ադամեին, որը առեւանգվել էր զինված մարդկանց կողմից հունիսին։

Մեքսիկան լրագրողների համար ամենավտանգավոր երկիրն է դարձել 2017-ին։ Վերջերս իրենց մասնագիտական գործունեության համար այնտեղ չորս լրագրող է սպանվել։