Երկնաքարը, որը կես տարի առաջ ընկել էր Նիդեռլանդներում, 4․5 մլրդ տարեկան է, պարզել են գիտնականները, հայտնում է ՌԻԱ Նովոստին։
Կես կիլոգրամանոց բեկորն ընկել էր Բրուք գյուղի խրճիթներից մեկի կտուրի վրա հունվարի 11-ին։ Մարդիկ այն հաջորդ առավոտյան էին գտել ու փոխանցել Լեյդենի բնագիտական թանգարանի մասնագետներին։
Հետազոտություններից հետո փորձագետները պարզել են, որ այդ երկնաքարը Արեւային համակարգի հասակակիցն է, որը առաջացել է մոտ 4․5 մլրդ տարի առաջ։