Ես ուրիշների փողերը չեմ հաշվում։ Այս մասին հունիսի 27-ին Ազգային ժողովում լրագրողների հետ զրույցում ասաց Պետեկամուտների կոմիտեի նախագահ Վարդան Հարությունյանը։
Նա համաձայն չէ պնդմանը, որ հարկայինի ստուգումները շինծու են, իսկ իշխանություն ունեցողները ձեռքերը հեռու չեն տանում բիզնեսից։
«Ինչպե՞ս են հարստացել պաշտոնյաները։ Ես որտեղի՞ց իմանամ։ Մենք ստուգումներ անցկացնում ենք ըստ օրենքի, եւ մեզ համար տարբերություն չկա, թե ով եւ ինչ բիզնեսով է զբաղվում։ Եթե մենք ստուգում ենք խոշոր բիզնեսը, պետք չէ այդտեղ քաղաքական երանգ փնտրել՝ լինի դա «Քեթրին»-ի կամ «Ալեքս Տեքստիլ»-ի պարագայում։ Մի կենտրոնացեք անունների վրա»,- նշեց Հարությունյանը։
Հիշեցնենք, որ «Քեթրին գրուպ» ընկերությունը Հայաստանի խոշոր ներկրողներից է եւ պատկանում է պատգամավոր, նախկին գլխավոր հարկադիր կատարող Միհրան Պողոսյանին։ «Ալեքս Տեքստիլ»-ը պատկանում է խոշոր ձեռներեցներից Սամվել Ալեքսանյանին։ Երկուսն էլ իշխող Հանրապետական կուսակցության անդամ են։