ԱՄՆ կոնգրեսական Թեդ Դեչը, որը Հոլոքոստի հուշամատյանի խորհրդի անդամ է, աջակցել է Կոնգրեսի բանաձեւին, որը ճանաչում է անցյալ ցեղասպանություններից դասեր քաղելու կարեւորությունը, ինչպիսին է Հայոց ցեղասպանությունը, ապագա վայրագությունները կանխելու նպատակով:
«Հայոց ցեղասպանությունից 100 տարի անց մեր պարտականությունն է պատմության սեւ էջերից դասեր քաղել, որոնք աներեւակայելի ամայացում են առաջացրել եւ հայ ժողովրդին անուղղելի ցավ պատճառել: Կորուստների հիշատակի պահպանումը, այս հանցագործության պատմության վերապատմումը, այս ամենը կարեւոր են պատմության կրկնողությունը կանխելու համար: Ցավոք, ԻԼԻՊ-ի կողմից եզդիների դեմ վերջերս իրագործված ցեղասպանությունը մեզ այն մասին է հիշեցնում, որ մենք դրանից դեռեւս հեռու ենք»,- հայտարարել է կոնգրեսականը:
