Թեխասում օրենքների խստացումից հետո Մեքսիկան խոստանում է պաշտպանել ներգաղթյալներին։ Մեքսիկան հարգում է ամերիկյան օրենքները, բայց այն նաեւ ԱՄՆ-ում կավելացնի վայրերի քանակը, որտեղ քաղաքացիները կկարողանան իրավաբանական օգնություն ստանալ։ Այս մասին հայտարարել է Մեքսիկայի արտաքին գործերի փոխնախարար Կարլոս Սադան, փոխանցում է NTDTV-ն։
Նման հայտարարությամբ նա հանդես է եկել ԱՄՆ Թեխաս նահանգում միգրացիոն օրենքների խստացման ֆոնին։ Ոստիկանությանը թույլ են տվել մարդկանց հարցնել միգրացիոն կարգավիճակի մասին։
Օրենքը, որին աջակցել են հանրապետականները, ուժի մեջ կմտնի սեպտեմբերի 1-ից։ Նա իր բնույթով առաջինն է՝ Դոնալդ Թրամփի՝ ԱՄՆ նախագահի պաշտոնը ստանձնելուց ի վեր։
Օրենքի համաձայն՝ ոստիկանապետերին, շերիֆներին եւ սահմանապահներին պատժաժամկետ է կսպառնա, եթե նրանք չհամաձայնեն համագործակցել իմիգրացիոն մարմինների հետ։ Ոստիկանները նաեւ իրավունք ունեն հարցնել միգրացիոն կարգավիճակի մասին։