Երեւանի Կոնդ թաղամասի կառուցապատման հարցով 4-5 ներդրողների հետ բանակցություններ ենք վարում։ Այս մասին հունիսի 27-ին հայտարարեց Կառավարությանն առընթեր Քաղաքաշինության պետական կոմիտեի նախագահ Նարեկ Սարգսյանը՝ ելույթ ունենալով 2016 թվականի պետբյուջեի կատարողականի մասին հաշվետվության քննարկումների ընթացքում, որոնք տեղի են ունենում խորհրդարանական հանձնաժողովներում։
Երեւանի Կոնդ թաղամասի տարածքը 16 հեկտար է, եւ վերջնական ծրագիր դեռ չկա։
«Ճարտարապետական արժեք ներկայացնող հին տներ կան, սակայն դրանք ցրված են ամբողջ թաղամասում»,-նկատեց Սարգսյանը։