Իտալիայի նախկին վարչապետ Սիլվիո Բեռլուսկոնին պատրաստվում է երկրում անցկացված տեղական ընտրությունների արդյունքներով քաղաքականություն վերադառնալ, հայտնում է Daily Mail-ը:
Նշվում է, որ հունիսի 25-ին տեղի ունեցած համայնքային ընտրություններում Բեռլուսկոնիի Forza Italia (Իտալիա, առաջ) կուսակցությունը եւ աջ «Հյուսիսային լիգան» 22 քաղաքներից 16-ում հաղթել են:
Այս հաղթանակը իշխող ձախ կենտրոնամետ դեմոկրատական կուսակցության համար շոկային էր, առանձնապես ուժեղ է ազդել այն փաստը, որ Ջենովան, որտեղ ավանդաբար գերակայել են ձախ հայացքները, քվեարկել է «աջերի» օգտին: