Զանգվածային անկարգություններին մասնակցելու մեղադրանքով այսօր 3.5 տարվա ազատազրկման դատապարտված Արարատ Խանդոյանի պաշտպանը կբողոքարկի Առաջին ատյանի դատարանի որոշումը: Այս մասին այսօր՝ հունիսի 27-ին, լրագրողների հետ զրույցում ասաց Արարատ Խանդոյանի շահերի պաշտպան Արա Ղարագյոզյանը. «Դատավճիռը բողոքարկվելու է եւ ուղարկվելու է ՄԻԵԴ, միանալու է այն բողոքներին, որոնք արդեն վարույթ են ընդունվել»:
Պաշտպանը նշեց, որ դատաքննության հենց առաջին պահից դատարանը կողմնակալ վերաբերմունք է ունեցել:
«Դատարանը կողմնակալ վերաբերմունք է ունեցել հենց առաջաին պահից, քանի որ առանց Արարատ Խանդոյանի քննարկել է կալանավորման հարցը եւ մինչեւ վերջին պահն էլ դատարանի կողմից արդար դատաքննություն չեղավ, մասնավորապես՝ ինձ պաշտպանական իրավունքից զրկելու, արդար դատաքննության բազմաթիվ կոպիտ խախտումներով: Մեղադրողը 4 տարվա ազատազրկում էր պահանջել, բայց դատարանը 3.6 ամիս ազատազրկման դատապարտեց եւ այդ մի քանի ամիսը ոչ մի բան չէր կարող անել»,-ասաց նա: