Աղվեսի ձագուկին, որը Եկատերինբուրգում խրվել էր ձյութափոսի մեջ, տեղափոխում են Կարեն Դալլաքյանի «Փրկիր ինձ» վայրի կենդանիների ապաստարան: Այս մասին 74.ru-ն է հայտնել ինքը կենդանիների պաշտպանը: Սվերդլովցիները, որոնք փրկել են կենդանուն, զանգահարել են Չելյաբինսկ, խորհրդակցել ինչով գիշատչին կերակրեն, նաեւ խոստացել են նրան անասնաբույժի մոտ տանել, հայտնում է Chelyabinsk.74.ru-ն:
«Տղաները աղվեսին գտել են հանքում ձյութափոսում: Ստիպված էին նրան տառացիորեն պոկել այն ամենից, ինչը նրան էր կպել: Մեր ժամանման պահին աղվեսի ձագուկը կաթ էր խմում եւ պառկած էր տուփի մեջ: Մենք երեկ նրան լվանում էինք գիշերվա ժամը 12-ից մինչեւ առավոտյան 5-ը,- համացանցային իր էջում գրել է փրկարարներից Անատոլին: - Աջ աչքի տակ մռութը, բեղերը, աջ ականջը դեռեւս ձյութապատ են: Քանի որ մի քանի վերքեր կային, մենք չկարողացանք նրան մշակել, սահմանափակվեցինք թաթերով, փորով եւ պոչով: Ընթացքում պարզվեց, որ ձագուկն էգ է: Նա չէր կարողանում կծել, ոտքերի վրա կանգնել, միայն փնչացնում էր: Կերակրել ենք աղացած մսով»:
