Վայոց ձորի Եղեգնաձոր քաղաքում հունիսի 26-ին ուշ երեկոյան ինքնահրկիզված 65-ամյա կինը հոգեկան խնդիրներով էր տառապում:
NEWS.am-ի տեղեկություններով, տարեց կինն ապաքինվելուց հետո ամենայն հավանականությամբ տեղափոխվելու է հոգեբուժարան: Նշենք, որ այրվել է կնոջ մարմնի 7-8 տոկոսը:
Ավելի վաղ հայտնել էինք, որ Վայոց Ձորի մարզում հունիսի 26-ին կեսգիշերին մոտ «Եղեգնաձոր» բժշկական կենտրոնից ոստիկանության Եղեգնաձորի բաժին ահազանգ էր ստացվել, որ ինքնահրկիզված վիճակում իրենց մոտ է տեղափոխվել մի քաղաքացի: Պարզվել է, որ ինքնահրկիզվածը Եղեգնաձորի բնակչուհի, 65-ամյա Սուսաննա Հ.-ն է, որն ինքնասպանություն գործելու նպատակով բենզինով հրկիզել է իրեն եւ այրվածքներով տեղափոխվել նշված բժշկական կենտրոն։