Հոլանդիայի Վերաքննիչ դատարանը վճռել է, որ Նիդեռլանդները մասամբ պատասխանատու են Սրեբրենիցայում 1995-ին ավելի քան 300 մուսուլմանների մահվան համար, հայտնում է SkyNews-ը։
Նշում են, որ զոհերը փորձել են ապաստան գտնել այն բազայում, որտեղ տեղակայված են եղել ՄԱԿ հոլանդացի խաղաղապահները։ Սակայն նրանց չեն թողել մտնել բազա ու հետագայում նրանց բոլորին սպանել են։
Դատավճիռը հաստատում է նախկին վճիռներն այն մասին, որ խաղաղապահները պետք է իմանային, որ այդ մարդիկ կարող են «իրական վտանգի մեջ հայտնվել, կտտանքների ու մահապատժի ենթարկվել»։ Դատարանը վճռել է, որ այդ մարդիկ ողջ մնալու 30 տոկոս հավանականություն ունեին, եթե մնային բազայում։ Այսպիսով Նիդեռլանդները պատասխանատվություն են կրելու զոհերի ընտանիքներին պատճառված ցանկացած վնասի 30 տոկոսի չափով։