Անշարժ գույքի կրկնակի վաճառքը Հայաստանում կբացառվի ու շինարարության զրոյական ցիկլի վրա։ Այս մասին հունիսի 27-ին ԱԺ-ում ասել է Կառավարությանն առընթեր Անշարժ գույքի կադաստրի պետկոմիտեի նախագահ Մարտին Սարգսյանը, Հայաստանի 2016-ի պետբյուջեի կատարման մասին հաշվետվության քննարկման ժամանակ։
«Հիմա կադաստրի պետկոմիտեն հետեւում է անշարժ գույքի վաճառքին նաեւ այն ժամանակ, երբ շենքը պաշտոնապես դեռ գրանցված չէ կադաստրում (այսինքն երբ դեռ չկա ընդունման ակտը)։ Հիմա մենք կարող ենք կանխել կրկնակի վաճառքը արդեն այդ վաղ փուլում»,- հայտնել է Սարգսյանը։