Ջրային տնտեսության պետական կոմիտեն բանակցում է արտասահմանցի դոնորների հետ փոքր գյուղերի համար ջրամատակարարման համակարգերի մասին։ Այս մասին հունիսի 27-ին ԱԺ-ում հայտնել է Հայաստանի էներգետիկ ենթակառուցվածքների ու բնական ռեսուրսների ջրային տնտեսության պետկոմիտեի ղեկավար Արսեն Հարությունյանը, 2016-ի պետբյուջեի կատարման մասին քննարկումների ժամանակ։
2017-ից սկսած ամբողջ հանրապետությունը սպասարկում է ջրամատակարարման մեկ միասնական օպերատոր՝ ֆրանսիական Veolia-ն։ Այդուհանդերձ, պայմանագրում ներառված չեն 560 բնակավայրեր (հիմնականում գյուղեր), որտեղ չի գործել նախկին 5 օպերատորներից ոչ մեկը։
Ըստ հաշվարկների, որն արել է միջազգային ընկերություններից մեկը, այնտեղ ջրամատակարարման ցանցեր ու կանոնակարգող ջրամբարներ կառուցելու համար մոտ 270 մլն եվրո է պետք։
Առաջին փուլում կարելի է կառուցել ցանցեր խոշոր գյուղերում՝ 2500 ու ավելին բնակչությամբ։ Նման գյուղերը 67-ն են, բայց դրանց բնակչությունը այդ 560 գյուղերի բնակչության կեսից ավելին է։ Ջրամատակարարումն այնտեղ հարթելու համար ընդամենը 72 մլն եվրո է պետք, հավելեց Հարությունյանը։
Ենթակառուցվածքների համար ֆիքսված ծախսերը նույնն են, պարզաբանեց նա, դրա համար էլ որքան շատ են բաժանորդները, այդքան ցածր են ծախսերը՝ մեկ մարդու հաշվարկով՝ խոշոր գյուղերում դրանք կկազմեն 0․3-0․4 եվրո, իսկ փոքրերում՝ 1․4 եվրո։ Բայց պետկոմիտեն նրանց մասին էլ չի պատրաստվում մոռանալ։
«Մենք մտադիր ենք բանակցություններ սկսել համապատասխան դոնորների հետ»,- հայտնել է նա։