Չինաստանը ծրագրում է «անտառային քաղաք» կառուցել, որտեղ կլինի մոտ մեկ միլիոն բույս ու 40 հազար ծառ։ Քաղաքը գտնվելու է Գուանսի նահանգում, դրա շինարարությունը մտադիր են ավարտել մինչեւ 2020թ։

Իշխանությունները հույս ունեն, որ նման քանակությամբ բուսականությունը կարտադրի մոտ 900 տոննա թթվածին ու կկլանի 10 000 տ ածխաթթու գազ ու 57 տ վնասակար նյութեր։

Ըստ 2015-ի հետազոտության՝ Չինաստանում աղտոտված օդի պատճառով օրական 4000 մարդ է մահանում։

Նոր քաղաքը կունենա 30 000 բնակիչ, այն նահանգի գլխավոր քաղաքի հետ կկապի արագընթաց էլեկտրական գնացքը։