ԻՊ-ի զինյալները եզդի աղջկան ստիպել են ուտել իր սեփական երեխային։ DailyNews-ի փոխանցմամբ, աղջկան, որը սեռական ստրկության մեջ է գտնվում ահաբեկիչների մոտ, երեք օր քաղցած են պահել։ Հետո նրան մի քիչ ուտելիք են բերել՝ բրինձ ու միս։ Երբ աղջիկը կերել է, նրան հայտնել են, որ «նրա համար պատրաստել էին նրա մեկ տարեկան երեխային, որին խլել էին նրանից»։

Իսկ մեկ ուրիշ եզդի աջկա, որն ընդամենը 10 տարեկան էր, գազանաբար բռնաբարել են ընտանիքի աչքի առաջ, ինչից երեխան մահացել է։

Պարբերականը նշում է, որ ԻՊ զինյալները հազարավոր եզդիների են սպանել, եւս մի քանի հազար եզդի ահաբեկիչների պատանդներն են։ Անցած տարի ՄԱԿ-ը ցեղասպանություն է ճանաչել Հյուսիսային Իրաքում ԻՊ զինյալների կողմից եզդիների դաժան սպանությունները։ «Սիրիայում ու Իրաքում ԻՊ-ի հսկողության տակ գտնվող տարածքներում որեւէ այլ կրոնական խումբ  չի ենթարկվում այնպիսի հետապնդումների ու տառապանքների, ինչպես եզդիները»,- նշված է ՄԱԿ-ի զեկույցում։

2017-ին ԻՊ-ն սպանել է ավելի քան 3000 եզդիների ու առեւանգել մոտ 7000 –ին, նրանցից շատերը դարձել են ԻՊ-ի սեքս ստրուկները կամ նրանց մարտիկները։