News
Լրահոս
News
Ուրբաթ
Մարտ 29
Տեսնել լրահոսը


Երեւանի Ավան եւ Նոր Նորք վարչական շրջանների ընդհանուր իրավասության դատարանից բերման է ենթարկվել «Սասնա ծռեր» խմբի անդամ Գագիկ Եղիազարյանի եղբայրը:

Լրագրողների հետ զրույցում փաստաբան Արայիկ Պապիկյանը նշեց, որ երիտասարդին բերման ենթարկելու ժամանակ դատարանից նրան բռնությամբ են դուրս հանել եւ բակում գտնվող փաստաբանները փորձել են քաղաքացուն օգնություն ցուցաբերել, սակայն ոստիկանները հարձակվել են փաստաբաններ Լուսինե Սահակյանի, Արայիկ Պապիկյանի, Ինեսա Պետրոսյանի, Մուշեղ Շուշանյանի, Տիգրան Հայրապետյանի եւ Արա Զաքարյանի վրա: Պապիկյանի խոսքով, ոստիկանները քաշքշել են փաստաբաններին:

«Մեզ մայթի մի մասում սահմանազատեցին, թույլ չտվեցին մոտենալ եւ օգնություն ցույց տալ քաղաքացիներին: Այնուհետեւ նաեւ հարձակվեցին մյուս քաղաքացիների վրա: Այժմ փաստաբաններ Լուսինե Սահակյանն ու Մուշեղ Շուշանյանը ոստիկանության բաժանմունքում են, որ իրավական օգնություն ցույց տան բերման ենթարկված երիտասարդին»,- ասաց փաստաբանը:

Հիշեցնենք, որ «Սասնա ծռերի» գործով դատական նիստին այսօր՝ հունիսի 28-ին, բախում էր տեղի ունեցել ամբաստանյալների եւ ոստիկանների միջեւ: Ոստիկանները բռնի ուժով հեռացրել էին ամբաստանյալներ Արեգ Կյուրեղյանին, Մխիթար Ավետիսյանին եւ Սմբատ Բարսեղյանին: Այս ամենը տեսնելով՝ դահլիճում գտնվող հարազատները սկսել էին գոռգոռալ եւ հարվածել ապակիներին: Կարգադրիչները հեռացրել էին հարազատներից մի մասին:

Բացի դրանից, կարգադրիչները, ինչպես եւ նախորդ անգամներին, փորձել էին խուզարկել պաշտպաններին: Շատերը դա թույլ չէին տվել եւ հրաժարվել մտնել դահլիճ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Հաց բերողի» վերաբերյալ փորձաքննության կեղծ եզրակացություն տալու վարույթով նախաքննությունն ավարտվել է. ՔԿ
Փորձագիտական հանձնաժողովի հիշյալ անդամներն, իրենց տրամադրության տակ ունենալով Արթուր Սարգսյանի բժշկական փաստաթղթերի տվյալները, անտեսելով…
Պավլիկ Մանուկյանը ՔԿՀ-ից տեղափոխվել է հիվանդանոց
Ազատամարտիկ Պավլիկ Մանուկյանը «Նուբարաշեն» ՔԿՀ-ից…
«Սասնա ծռեր»-ի անդամներից Արմեն Բիլյանը երկու շաբաթ է հացադուլի մեջ է. նա 2 պահանջ ունի
Առողջական խնդիրների արդյունքում ՔԿՀ-ն պարբերաբար փորձաքննություն է անում…
Կոչ եմ անում «Սասնա ծռեր» խմբավորմանը՝ մեղսակիցը չդառնալ զինակից ընկերոջ անհիմն և անարդար դատապարտմանը. Ենիգոմշյան
Այն փաստը, որ «Սասնա ծռեր» խմբավորման գործը «վերաքննող» «դատարանը», 8 ամիսների անգործությունից և երեք կազմ փոխելուց հետո ընդամենը մի քանի օրերի...
Վերաքննիչ դատարանն անփոփոխ թողեց ՊՊԾ գնդի գրավման գործով առաջին ատյանի որոշումը
Անփոփոխ թողեց ՊՊԾ գնդի գրավման գործով…
Այստեղ չպատժվեն, երկնքում 100 տոկոս կպատժվեն. սպանված ոստիկանի կինը՝ «Սասնա ծռերի» գործով վճռի մասին
Ամենադաժանն այն է, որ տղաները հողի տակ են, իրենք ազատ…
Ամենաշատ