Եգիպտոսը ՄԱԿ Անվտանգության խորհրդին եւ համապատասխան կոմիտեներին կոչ է անում գրանցել մի շարք երկրների խախտումները, մասնավորապես` Կատարի, որոնք շրջանցելով գործող արգելքը, զենք են մատակարարում Լիբիայի ահաբեկչական խմբավորումներին: Այս մասին հայտարարել է Եգիպտոսի ԱԳ փոխնախարար Թարեք ալ Կունին` ելույթ ունենալով ՄԱԿ-ի հատուկ նիստում` նվիրված Լիբիայում ահաբեկչության դեմ պայքարին, հայտնում է ՄԵՆԱ-ն:
Նրա խոսքով` անհրաժեշտ է, որ ՄԱԿ ԱԽ-ն եւ համապատասխան կոմիտեները փաստաթղթավորեն Լիբիայի դեմ սահմանված պատժամիջոցների բազմաթիվ խախտումները մի շարք երկրների, մասնավորապես Կատարի կողմից. «Խոսքը Լիբիայում գործող ահաբեկչական խմբավորումներին զենքի մատակարարումների եւ ֆինանսավորման մասին է: Անհրաժեշտ է այս խախտումների հետ ապված միջոցառումներ ձեռնարկել»: