ԱՄՆ Նյու Ջերսի նահանգի Լեյքվուդից ռաբբին եւ նրա կինը, նաեւ եւս 3 զույգ կալանավորվել են առանձնապես խոշոր չափերի խարդախության գործի դաշնային հետաքննության շրջանակում: Կալանավորվածների թվում են 39 տարեկան ռաբբի Զալմեն Սորոցկին, որը ղեկավարում է Congregation Lutzk սինագոգը, եւ նրա կինը` 35 տարեկան Ցիպորան: Դաշնային դատախազները հայտարարել են, որ կալանավորվածները մեղադրվում են 1,3 մլն ընդհանուր գումարի սոցիալական նպաստներ ստանալու խարդախության մեջ, փոխանցում է USA.one-ը:
Դատախազների տեղեկացմամբ` Զալմենը եւ Ցիպորան 2009 թվականի հունվարից 2014 թվականի ապրիլն ընկած ժամանակահատվածում թաքցրել են իրենց իրական եկամուտները եւ ապօրինի նպաստ են ստացել Medicaid, SNAP, բնակելի շինարարության եւ այլ ծրագրերով:
