Երեւանի Ավան եւ Նոր-Նորք վարչական շրջանների ընդհանուր իրավասության դատարանից այսօր՝ հունիսի 28-ին, ոստիկանության բաժին բերման ենթարկված «Սասնա ծռեր» խմբի անդամ Գագիկ Եղիազարյանի եղբայրը քիչ առաջ ազատ է արձակվել: Այս մասին NEWS.am-ի հետ զրույցում ասաց փաստաբան Լուսինե Սահակյանը: Նա նշեց, որ ի սկզբանե ոստիկանությունում ասել են, որ Դավիթ Եղիազարյանին բերման են ենթարկել դատական իրավախախտում կատարելու համար՝ ոստիկանների պահանջներին չենթարկվելու, ավելի ուշ ասել են, որ նա բերման է ենթարկվել ոստիկանի նկատմամբ բռնություն կիրառելու կասկածանքով, որի համար պատասխանատվություն է նախատեսվում, նախապատրաստվում են նյութեր:
Լուսինե Սահակյանը նաեւ նշեց, որ Դավիթ Եղիազարյանի ձեռքերը ձեռնաշղթաներից վնասվել են:
Ավելի վաղ տեղեկացրել էինք, որ «Սասնա ծռեր» խմբի անդամ Գագիկ Եղիազարյանի եղբայրը ոստիկանություն բերման էր ենթարկվել, երբ դատական նիստի ընթացքում քաշքշոց էր սկսվել ոստիկանների եւ «Սասնա ծռեր» խմբի անդամների միջեւ: