Ավտոարշավորդուհի Մարա Բաղդասարյանը Ռուսաստանի նախագահ Վլադիմիր Պուտին դժգոհել է դատական կատարածուներից, ՌԻԱ Նովոստիին հայտնել է նրա փաստաբան Դավիթ Քեմուլարիան։
«Մենք բողոք ենք ներկայացրել դատավորի ու կատարածուների գործողությունների մասին։ Մեզ սպառնում են, ասում են, որ Մարային ամեն դեպքում կկալանավորեն»,- ասել է փաստաբանը։
Նա պարզաբանել է, որ ուղիղ նախագահի ընդունարանից Մարան գնացել է հարկադիր աշխատանքների, որոնց դատապարտվել էր տուգանքները չվճարելու համար։ Փաստաբանն առայժմ չի դիմել այլ իրավապահ մարմինների ՝սպառնալիքների հարցով, քանի որ «ապավինում է նախագահի» աջակցությանը։ Նրա խոսքով Բաղդասարյանի դիմումին նախագահի աշխատակազմը պետք է պատասխանի մեկ շաբաթից։
Երկուշաբթի պրիստավները նորից ձերբակալել են Բաղդասարյանին արդեն հարկադիր աշխատանքից խուսափելու համար ու կազմել են վարչական արձանագրություն, որով նրան մինչեւ 15 օր կալանավորում է սպառնում։ Դատավորը վերադարձրել է այն՝ թերությունները վերացնելու համար, բայց հետո այն նորից կարող է փոխանցվել դատարան։ Նյութը կազմվել է «Հարկադիր աշխատանքներից խուսափելու մասին» հոդվածի 4-րդ մասով։
