Այն, որ Հայաստանը եվրոպական երկրներ հիմնականում հումք է արտահանում, երկրին պատիվ չի բերում, սակայն նա այլ ընտրություն չունի: Այս մասին հունիսի 28-ին` լրագրողների հետ հանդիպման ժամանակ ասաց Հայաստանի Հայրենական ապրանք արտադրողների միության նախագահ Վազգեն Սաֆարյանը:
Նրա կարծիքով` պետությունը պետք է ակտիվություն դրսեւորի եւ տեղական ձեռնարկատերերի հետ համատեղ աջակցի ծանր արդյունաբերության վերաստեղծմանն ու ամրապնդմանը: «Տեսեք, մենք ամեն տարի մեծացնում ենք պղինձի արտահանման ծավալները, որպեսզի շահույթը նույն մակարդակին պահենք: Ինչո՞ւ է սա արվում: Որովհետեւ պղինձի գներն ամեն տարի ընկնում են»,- հավելեց Սաֆարյանը: