Ֆիլիպինների այն քաղաքացիները, որոնք բավականաչափ զգացմունքային չեն կատարում երկրի հիմնը, կարող են տուգանվել։ Ըստ նոր օրինագծի, որը արդեն հաստատվել է  ներկայացուցիչների պալատի կողմից, հիմնը բոլորը պետք է կատարեն մեծ ոգեւորությամբ։ Հակառակ դեպքում սպառնում է մոտ 2 հազար դոլարի տուգանք, հայտնում է Inquirer-ը։

Հիմնը կատարելիս բոլոր քաղաքացիները պետք է կանգնեն ուղիղ ու դեմքով դեպի դրոշը կամ էլ դիրիժորը։ Բացառություն կարվի միայն նրանց համար, ովքեր կրոնական պատճառներով չեն կարող կատարել հիմնը, բայց նույնիսկ նրանք այդ պահին պարտավոր են կանգնել։