Վենեսուելայի նախագահ Նիկոլադ Մադուրոն ահաբեկչության ձախողված փորձ է կոչել ոստիկանական ուղղաթիռից ՆԳՆ-ի ու Գերագույն դատարանի շենքի գնդակոծությունը։ Մադուրոյի կարծիքով, ահաբեկչության նպատակն է եղել իրեն երկրի նախագահի պաշտոնից գահընկեց անելը, փոխանցում է AP-ն։
Նրա խոսքով,դատարանի շենքը գնդակոծվել է նռնակներով, սակայն դրանք իրենց նշանակետին չեն հասել ու զոհերից հաջողվել է խուսափել։ Նշում են, որ սոցցանցերում հայտնվել են ոստիկանական ուղղաթիռի լուսանկարներ, որի վրա հակակառավարական կարգախոսով պաստառ է, նաեւ տեսագրություն, որում ոստիկանական օդաչուն ու դերասան Օսկար Պերեսը կոչ են անում ընդվզել Մադուրոյի «բռնապետության» դեմ։
