Մի՞թե չլսեցիք։ Այսպես պատասանեց նախագահ Սերժ Սարգսյանը 2018 թվականին վարչապետ դառնալու հնարավորության մասին լրագրողների հարցին։ 

Կառավարության շենքից դուրս գալիս նախագահը պատասխանեց լրագրողների հարցին՝ արդյո՞ք 2018 թվականին՝ նախագահական լիազորությունները վայր դնելուց հետո, կգլխավորի գործադիր մարմինը։ «Մի՞թե չէիք լսում։ Ես վերեւում խոսում էի»,- նկատեց նախագահը։

Հիշեցնենք, որ հունիսի 29-ի կառավարության նիստին ներկա էր նաեւ նախագահը, որն իր ելույթում նշեց, որ վարչապետ Կարեն Կարապետյանը վայելում է իշխող թիմի լիակատար վստահությունը։