Ծրագիրը, որը մեր թիմն է կազմել, իրագործելի է: Հունիսի 29-ին կայացած կառավարության նիստում այս մասին հայտարարեց վարչապետ Կարեն Կարապետյանը` նախագահ Սերժ Սարգսյանի ներածական խոսքից հետո:
«Մենք շատ լավ ենք հասկանում, թե հանրությունն ինչ սպասելիքներ ունի: Մենք շատ լավ ենք գիտակցում, որ այս ճանապարհը հեշտ չի լինի: Սակայն մենք շատ վճռական ենք տրամադրված եւ մեր ծրագիրը կիրականացնենք»,- ընդգծեց Կարապետյանը:
Նախագահ Սերժ Սարգսյանն իր հերթին նշեց. «Պարոն վարչապետ, եթե դա հեշտ լիներ, մենք մինչեւ հիմա ամեն ինչ ամբողջությամբ իրականացրած կլինեինք: Մենք բոլորս դա գիտակցում ենք: Հաջողություն եմ ցանկանում»:
