Տնտեսական զարգացման եւ ներդրումների նախարարության շուկայի վերահսկողության Տեսչական մարմինը հնարավորություն կունենա վերահսկվող կազմակերպությունների նկատմամբ տարբերակվող մոտեցում դրսեւորել եւ ստուգումներ անցկացնել ռիսկի բարձր մակարդակով կազմակերպություններում:
Հունիսի 29-ին կայացած հերթական նիստում կառավարությունը հավանության արժանացրեց կառավարության 2016 թվականի դեկտեմբերի 29-ի որոշման մեջ փոփոխություններ մտցնելու որոշման նախագիծը:
Նախագիծը ներկայացրեց տնտեսական զարգացման եւ ներդրումների փոխնախարար Տիգրան Խաչատրյանը:
Հիմնավորման համաձայն` նախագծի ընդունմամբ Տեսչական մարմնի պոտենցիալն ավելի նպատակահարմար եւ արդյունավետ կօգտագործվի օրենքով սահմանված իրավասությունների կատարման տեսակետից, հետեւաբար` նոր իրատեսական հիմքեր կստեղծվեն տնտեսվարող սուբյեկտների կողմից օենսդրության հնարավոր խախտումների հայտնաբերման եւ կանխման համար: