«Կարհաս» ընկերությունը 2․06 մլրդ դրամ է ներդնելու ԼՂՀ-ում փոքր ՀԷԿ-երի կասկադի շինարարության մեջ։ ԸՆկերությունը արտադրելու է էլեկտրաէներգիա, օգտագործելով ԼՂՀ Քաշաթաղի շրջանի Միրիկ ու Մոշաթաղ համայնքների գետերի ներուժը։ Հայաստանի կառավարությունը հունիսի 29-ի հերթական նիստի ժամանակ երեք տարով ընկերությանն ազատել է ԱԱՀ վճարումից ընկերության ներմուծած սարքավորումների համար։
Որոշման համապատասխան նախագիծը կառավարության նիստի ժամանակ ներկայացրել է տնտեսական զարգացման ու ներդրումների փոխնախարար Տիգրան Ճաչատրյանը։
Ներդրումային ծրագրի շրջանակում, ըստ որոշման նախագծի հիմնավորման, 2017-ի հուլիսի 6-ից մինչեւ դեկտեմբերի 31-ը ընկերության կողմից ԱԱՀ –ի վճարումը նրա կողմից ներմուծվող սարքավորումների համար հետաձգվելու է երեք տարով։ Ներմուծվող սարքավորումների արժեքը կազմելու է 502․2 մլն դրամ։ Ծրագրի իրականացման արդյունքում 2018-2020 թթ նախատեսվում է ստեղծել 10 նոր աշխատատեղ՝ 100 հազար միջին աշխատավարձով։