News
Լրահոս
News
Հինգշաբթի
Նոյեմբեր 15
Տեսնել լրահոսը

Կոնֆեդերացիաների գավաթն անցկացվում է Ռուսաստանի 4 քաղաքներում. եկող տարի Ռուսաստանն ընդունելու է Աշխարհի առաջնությունն իր 11 քաղաքներում, որոնցից մի քանիսը դեռ պատրաստ չեն: Մոսկվայից ու Պետերբուրգից բացի ամենապատրաստները Սոչին ու Կազանն են: Շատերի կարծիքով՝ «Կազան Արենան» Ռուսաստանի ամենալավ մարզադաշտն է, իսկ Կազանը՝ ամենահարմարավետ քաղաքներից մեկը: Փորձեցինք մեր աչքով համոզվել:

Մոսկվայից 850 կմ դեպի արեւելք գտնվող Կազանը համարվում է Ռուսաստանի երրորդ մայրաքաղաքը: Թաթարստանի մայրաքաղաքը Ռուսաստանի ամենաբազմազգ քաղաքն է: Կազանը համարվել է Եվրոպայում տուրիզմի տեսանկյունից ամենարագ զարգացող երրորդ քաղաքը: Այստեղ կան երկու նախադրյալներ՝ Թաթարստանը հարուստ երկրամաս է, իսկ Կազանն էլ պատմական հուշարձաններով լի քաղաք է, որը ռուսական ու թաթարական մշակույթների միաձուլում է: Բացի այդ, հազարամյա պատմություն ունեցող Կազանն իր մեջ պահել է հարուստ պատմություն՝ մոնղոլներից, Իվան Ահեղից մինչեւ ԽՍՀՄ տարիներ: Բացի այդ, թաթարական խոհանոցը շատ հարուստ է, իսկ Իրինա Շեյքի համաշխարհային հաջողությունից հետո էլ շատերը ցանկանում են տեսնել, արդյոք Թաթարստանում այդքան շա՞տ են գեղեցիկ աղջիկները…

Ի տարբերություն նախորդ տարվա Եվրոպայի առաջնությանը, որն անցկացվում էր Ֆրանսիայում, Ռուսաստանում քաղաքների միջեւ հեռավորությունը բավական մեծ է, եկող տարի էլ նրանց միանալու է Եկատերինբուրգը: Ռուսաստանն իր կողմից հաճելի քայլ է կատարել եւ բոլոր երկրպագուները, որոնք ունեն խաղի տոմսեր, միջքաղաքային գնացքներով երթեւեկում են անվճար: Դա չի վերաբերում արագընթաց գնացքներին, այլ միայն հատուկ FIFA-ի խաղերի համար նախատեսված գնացքներին:

Մոսկվայի «Կազանսկի» կայարանից գնացքը 12 ժամում հասնում է Կազանի գլխավոր կայարան: Պետք է նշել, որ երկրպագուների համար ռուսները տրամադրել են լավագույն գնացքները:

Կազանում ֆուտբոլից բացի երկրպագուներին տեսնելու շատ բաներ կան: Առաջին հերթին դա իհարկե Կազանի Կրեմլն է, որը ՅՈՒՆԵՍԿՕ-ի համաշխարհային ժառանգության մաս է կազմում:  Կազանի Կրեմլի կառուցումը սկսվել է 10-րդ դարում: Այսօր այն ուղղափառ եկեղեցիներով, մեծագույն մզկիթով, աշտարակներով, պարիսպներով, թանգարաններով գեղեցիկ վայր է: Կազան տարեկան այցելում է երկու միլիոն զբոսաշրջիկ: Կրեմլից բացի, Կազանում կան շատ այլ գեղեցիկ վայրեր, օրինակ Բաումանի փողոցը, որտեղ էլ ֆուտբոլի երկրպագուների համար միջոցառումներ էին կազմակերպվել:

Երկրպագուների համար քաղաքային տրասպորտն անվճար է, իսկ uber տաքիսները բավական էժան: «Կազան Արենան» կառուցվել  է  2013-ին: Այն չորս աստղին համապատասխան մարզադաշտ է, որն ունի  45 000 նստատեղ: «Կազան Արենան» արդեն մեկ անգամ մեծ միջացառում է ընդունել՝ 2013-ի Ունիվեսիադան: «Կազան Արենան» Կոնֆեդերացիաների գավաթի մարզադաշտերից բացի լինելու է նաեւ Աշխարհի առաջնության հիմնական մարզադաշտերից մեկը:

Մարզադաշտն այնքան հարմար է կառուցված, որ վտանգի դեպքում բոլոր մարդկանց տարհանումը տեւում է 8 րոպե: Բացի այդ, «Կազան Արենան» կարող է պարծենալ իր ճակատային մասի ամենամեծ էկրանով: Պատահական չէ, որ օտարերկրյա ու տեղացի  շատ լրագրողների կարծիքով Կազանի մարզադաշտն այս պահին լավագույնն է Ռուսաստանում:

Իհարկե, եկող տարի մենք կտեսնենք՝ արդյոք  մյուս մարզադշտերը նույնպես պատրաստ են: Հատկապես հետաքրքիր կլինի տեսնել վերանորգված «Լուժնիկին»: Եթե Պետերբուրգի մարզադաշտը դեռ հարցեր առաջացնում է, ապա «Կազան Արենան» իսկապես լիովին պատրաստ է: Եթե պատրաստվում եք եկող տարի այցելել Աշխարհի առաջնության խաղերը դիտելու, ապա, աշխատեք, որ ձեր ընտրած քաղաքներից մեկը լինի Կազանը:

Վերա Մարտիրոսյան

!
Այս նյութը հասանելի է նաև   Русский
Տպել
Կարդացեք նաև
Ամբողջը
Լեգենդար Բատիստուտան՝ հայկական Վարդավառի եւ կովեր պահելու մասին (Ֆոտո)
Բատիստուտան պատմել է, որ այլեւս ֆուտբոլով չի զբաղվում․․․
Լեգենդների հանդիպմանը կնախորդեն մի շարք միջոցառումներ, այդ թվում համերգներ, վարպետության դասեր
Հիշեցնենք, որ բացի Լեգենդների խաղից, հուլիսի 6-8-ին առաջին անգամ Երեւանի պատմության մեջ կստեղծվի ֆան-գոտի, որը «Ազատության հրապարակում կընդունի բոլոր երկրպագուներին...
Նիկիտա Սիմոնյանը Մարադոնայի մեծահոգության, Ռուսաստանի հավաքականի «սխրանքի» եւ չեմպիոնի կոչման նոր հավակնորդների մասին
Չեմ ուզում անհամեստ լինել, բայց ինձ համար «ամենա»-ն այն առաջնությունն էր, որտեղ ես էի խաղում...
Երեւան կժամանի աշխարհահռչակ ֆուտբոլիստ Ռոբերտո Կարլոսը
Լատինական Ամերիկայի եւ Եվրոպայի վետերան ֆուտբոլիստներից կազմված հավաքականների Երեւանում կայանալիք հանդիպմանը կմասնակցեն այնպիսի լեգենդներ, ինչպիսիք են...
Բացառիկ հնարավորություն լեգենդի հետ լուսանկարվելու համար, ինչպես նաեւ շահելու Լեգենդների խաղի տոմս
Խաղարկությունը կացկացվի ամեն օր fcyerevan.com կայքում...
Լեգենդար Չավին՝ հայկական գինու, Մեսսիի ու իր երազանքների մասին (ֆոտո)
Մեկ խաղացողի անուն տալը բարդ է, քանի որ «Բարսելոնան» ավելի ուժեղ դարձնելու համար պետք է ֆենոմենալ հատկանիշներ ունենալ․․․
Partner news