Իրանի ու Սաուդյան Արաբիայի միջեւ միանգամայն հնարավոր է ուղիղ ռազմական բախում։ Այս մասին NEWS. am–ի թղթակցի հետ զրույցում ասել է քաղաքագետ Հայկ Մարտիրոսյանը։
Նրա խոսքով, անհրաժեշտություն չկա գնահատել երկու երկրների միջեւ պատերազմի հավանականությունը, քանի որ այն արդեն վաղուց է ընթանում, դիվանագիտական տեսակետից՝ Իրանում հեղափոխության ժամանակներից։ «Այդ բախումը վերջերս աննախադեպ սրվել է։ Ռազմական տեսակետից այն դրսեւորվում է պրոկսի պատերազմի ձեւով՝ երրորդ երկրների տարածքում»,- նշել է Մարտիրոսյանը։ Ուղիղ ռազմական լայնածավալ բախում Իրանի ու Սաուդյան Արաբիայի միջեւ նույնպես միանգամայն հավանական է, շարունակեց նա։ «Բայց ոչ մինչեւ այն պահը, երբ ներկա գահաժառանգ արքայազն Մոհամադ բին Սալմանը Թագավորության գահի իրավաբանական տիրակալից կվերածվի փաստացի կառավարչի»,- հավելել է Հայկ Մարտիրոսյանը։
