Ավստրիայում գրանցվել է ներգաղթյալի կողմից իրագործված հերթական սպանությունը:
РИА Новости-ն հայտնում է, որ ողբերգությունը տեղի է ունեցել Լինց քաղաքում:
Ծագումով թունիսցին 2 թոշակառուներին սպանել է երկրի աջ քաղաքական գործիչների նկատմամբ ատելության պատճառով: 54-ամյա ներգաղթյալը հանցագործությունը կատարելուց հետո ինքնակամ է ներկայացել ու կատարածը խոստովանել: Նրա խոսքով` ինքը սպանությունը մանրամասն ծրագրել է, նախ խեղդամահ է արել 85-ամյա կնոջը, այնուհետեւ սպանել է նրա 87-ամյա ամուսնուն, որից հետո զոհերի մարմնիններն այրել է: Իր գործողությունները պատճառաբանելիս նա հայտարարել է, որ ատում է աջ քաղաքական գործիչներին, այդ թվում` Ավստրիայի ազատության կուսակցությանը, որին, ինչպես մարդասպանն է ենթադրել, համակրել են սպանված թոշակառուները: Ներգաղթյալն Ավստրիայում է ապրում 1989 թվականից եւ տարեց զույգին ծանոթ էր:
