Այս տարի «Ոսկե ծիրան» Երեւանյան միջազգային 14-րդ կինոփառատոնի մրցութային ու արտամրցութային ծրագրերում ներառվել են ֆրանսիական արտադրության 10 ֆիլմեր։
Հուլիսի 3-ին լրագրողների հետ հանդիպման ժամանակ Հայաստանում Ֆրանսիայի դեսպանատան՝ մշակութային հարցերով խորհրդական Ալեքս Բորտոլան նշել է, որ արդեն երկրորդ փառատոնից սկսած՝ իրենք միշտ այնտեղ բազմաթիվ ֆիլմեր են ներկայացրել։ «Մենք չենք կարող առիթը բաց թողնել ու չմասնակցել այս կինոփառատոնին»,- ասել է նա։
Ֆրանսիացի հանրահայտ ռեժիսոր Ժան Պյեր Մելվիլի «Կարմիր շրջան» ֆիլմը կբացի «Ֆրանսիական կինոյի օրը» «Ոսկե ծիրան» կինոփառատոնի շրջանակում։ Կինոփառատոնում հարգանքի տուրք կմատուցեն հայտնի ռեժիսորին, որի հարյուրամյակն այս տարի է լրանում։
Հիշեցնենք, որ կինոփառատոնը Երեւանում անցկացվելու է հուլիսի 9-16-ը։
