Շուտով Հայաստանի բոլոր թանգարաններում կապահովվի անվճար Wi-Fi։ Այս մասին հուլիսի 3-ին խորհրդարանում հայտնել է մշակույթի նախարար Արմեն Ամիրյանը 2016-ի պետբյուջեի մասին հաշվետվության քննարկման ժամանակ։
Նախարարի խոսքով, սկզբում ինտերնետ կապահովվի մշակույթի նախարարության թանգարաններում, հետո նաեւ բոլոր մյուսներում։
Նա հիշեցրել է, որ վերջերս, Չինաստանի կառավարության աջակցությամբ , հայ մշակողները ստեղծել են թանգարանային աուդիոզբոսավար։ Առայժմ այն գործում է 3 թանգարանների համար, իսկ մինչեւ տարեվերջ կհայտնվի եւս 4-ում։ Անվճար հավելվածը պարունակելու է տվյալներ թանգարանների էքսպոզիցիաների մասին, իսկ որոշ դեպքերում էլ հասանելի կլինի նաեւ վիրտուալ պատկերասրահ։
Նրանք, ովքեր ներբեռնելու են այս հավելվածը, մշակույթի նախարարությունից կստանան հղումներ նոր ցուցահանդեսների ու բացվող թանգարանների մասին։
«Բացի դրանից մենք նրանց կմիացնեն միասնական էլեկտրոնային տոմսի համակարգին, որը ուզում ենք բացել մոտ ապագայում։ Այդպես նրանք կկարողանան օնլայն գնել տոմսեր մեր բոլոր թանգարանների համար»,- հավելեց նախարարը։