News
Լրահոս
News
Հինգշաբթի
Հուլիս 19
Տեսնել լրահոսը

Ռուսաստանը հյուրընկալեց Կոնֆեդերացիների գավաթը: Խոսվում է, որ այս մրցաշարն այեւս չի անցկացվելու: Կոնֆեդերացիաների գավաթի անցկացման հիմնական պատճառը Աշխարհի առաջնությունն անցկացնող երկրի պատրաստվածությունը ստուգելն է:  Այն, որ Ռուսաստանը դեռ պատրաստ չէ ԱԱ-ին պարզ է, ինչպես նաեւ պարզ էր, որ Բրազիլիան մինչեւ աշխարհի առաջնությունը չէր հասցրել բոլոր մարզադաշտերը պատրաստել 2013-ի Կոնֆեդերացիաների գավաթի ժամանակ: Այս պահին Ռուսաստանի մի քանի քաղաքների մարզադաշտեր դեռ  պատրաստ չեն: Մինչ եկող տարվա վերջը պետք է որ բոլորը պատրաստ լինեն:

Ի՞նչ տվեց Կոնֆեդերացիաների գավաթը Ռուսաստանին եւ ֆուտբոլասեր հասարակությանը

Ֆուտբոլային առումով եւս մեկ անգամ ապացուցվեց, որ ֆուտբոլ խաղում են բոլորը, բայց հաղթում են գերմանացիները: Իսկ եթե ավելի լուրջ, գերմանացիների կատարած բարեփոխումները տասը տարի առաջ, այսօր արդեն արդեն մեծ արդյունքներ են տալիս: Գերմանիայի, կարելի է ասել երրորդ կազմը, դարձավ մրցաշարի հաղթող: Բացի այդ, Գերմանիայի հավաքականն արդեն տասը տարի է, ինչ երրորդ տեղից ցածր արդյունք չի գրանցում: Գերմանիան առաջին անգամ դարձավ Կոնֆեդերացիաների գավաթի հաղթող:

Բացի այդ Կոնֆեդերացիաների գավաթը դարձավ առաջին մրշաշարը, որտեղ սկսեցին օգտագործել վիդեոկրկնապատկերները՝ մրցավարներին օգնելու համար: Որքանով դա արդյունք տվեց, հստակ ասել հնարավոր չէ: Համենայնդեպս, երրորդ տեղի համար խաղում Պորտուգալիան մրցավարական սխալների օգնությամբ հաղթեց Մեքսիկային, իսկ կրկնապատկերներն այս անգամ անզոր եղան:

Կոնֆեդերացիաների գավաթը եւս մեկ անգամ ապացուցեց, որ Ռուսաստանում ծախսվող ահռելի գումարները ռուսական ֆուտբոլի զարգացմանը չեն նպաստում, հավաքականի ցուցադրած խաղը ոչնչով չի բարելավվում: Ռուս ֆուտբոլիստները հերթական անգամ կոտրեցին երկրպագուների սրտերը: Եթե առաջ նրանք ասում էին՝ որ իրենց պարտությունը երկրպագուների խնդիրն է, մյուս անգամ պարտությունը նշում Մոնտե Կարլոյում, ապա այս անգամ արդեն հարցնում են՝ ի՞նչ անենք, կախվե՞նք: Մինչդեռ Չիլիի կիսապաշտպան Մարսելո Դիասը, ում մեղքով Չիլիի հավաքականը պարտվեց երզափակիչում, արցունքները չէր կարողանում զսպել լրագրողների հետ զրույցի ժամանակ:

Իսկ հիմա կարեւորի մասին...

Ռուսաստանի պատրաստ լինելը մեծ կասկածներ էր առաջացնում:  Կկարողանա՞ն արդյոք ռուսներն անցկացնել Աշխարհի առաջնությունը: Այս պահին կարելի է միայն ասել, որ Ռուսաստանը գերազանց անցկացրեց Կոնֆեդերացիաների գավաթը: Մարզադաշտերը, պայմանները,  կամավորականների աշխատանքը... ամեն բան անթերի էր: Բացի այդ, ռուսները հոգացել էին երկրպագուների ու լրագրողների հարմարավետության մասին: Լրագրողները եւ խաղերի տոմս ունեցող երկրպագուներն անվճար օգտվում էին քաղաքային ու միջքաղաքային տրանսպորտից: Խաղերի համար գնացքի կայարաններում ավելացված էին հատուկ գնացքներ, որոնք սպասարկում էին միայն ֆուտբոլասեր հասարակությանը:

Բացի այդ, անվտանգությունը բարձր մակարդակի վրա էր: Մետրոյի բոլոր կայարաններում, գնացքներում, հասարակական վայրերում խիստ հսկողություն էր: Թեեւ Մոսկվան իր խցանումներով ամենաանհարմար քաղաքներից է, մետրոյի եւ տրանսպորտի մյուս տեսակների անթերի աշխատանքի շնորհիվ դա ոչ մի կերպ չէր անդրադառնում ֆուտբոլային կյանքի վրա:

Եթե համեմատենք մեկ տարի առաջ Եվրո 2016 –ի հետ, որն անցկացվում էր Ֆրանսիայում, տարբերությունը շատ մեծ էր՝ ի վնաս Ֆրանսիայի: Այո, Ֆրանսիան եվրոպական երկիր է՝ ֆուտբոլային հարուստ պատմությամբ, բայց Եվրոպայի առաջնությանը նրանք պատրաստվել էին, մեղմ ասած՝ միջին: Թե պայմանները, թե մթնոլորտը Ռուսաստանի նման տրամադրող չէր: Ասեմ ավելին, բոլոր եղած մեծ մրցաշարերը, որոնք անցկացվել են տարբեր քաղաքներում, իմ տեսած ամենից մեծ նկատելի աշխատանքը Ռուսաստանում էր: Ցավոք՝ ես չեմ եղել Գերմանիայում անցկացված Աշխարհի առաջնությանը 2006–ին: Ասում են` դա լավագույն էր: Կարող եմ հավատալ, քանի որ Գերմանիա – Հայաստան ընկերական խաղին նրանք պատրաստվել էին իդեալական:

Իհարկե, թերություններ ու բացթողումներ հաստատ կան: Բայց այս պահի դրությամբ հաստատ կարելի է ասել, որ Ռուսաստանն իր առաջին մեծ փորձությունն անցավ ու եկող տարի կընդունի ֆուտբոլային աշխարհի կարեւորագույն մրցաշարը: Որքան էլ շատ ռուսներ դժգոհեն, որ իրենց երկրի տնտեսական վիճակը հաշվի առնելով այս մրցաշարը տեղին չէ, միեւնույն է, նրանք կարողանում են լավ պատրաստվել կարեւոր խաղերին: Եվ դա նրանք բազմիցս ապացուցել են: Իսկ այս պահից սկսած սկսում ենք հաշվել օրերը մինչեւ Աշխարհի առաջնության խաղերը:

Վերա Մարտիրոսյան

!
Այս նյութը հասանելի է նաև   Русский
Տպել
Կարդացեք նաև
Ամբողջը
Լեգենդների հանդիպմանը կնախորդեն մի շարք միջոցառումներ, այդ թվում համերգներ, վարպետության դասեր
Հիշեցնենք, որ բացի Լեգենդների խաղից, հուլիսի 6-8-ին առաջին անգամ Երեւանի պատմության մեջ կստեղծվի ֆան-գոտի, որը «Ազատության հրապարակում կընդունի բոլոր երկրպագուներին...
Նիկիտա Սիմոնյանը Մարադոնայի մեծահոգության, Ռուսաստանի հավաքականի «սխրանքի» եւ չեմպիոնի կոչման նոր հավակնորդների մասին
Չեմ ուզում անհամեստ լինել, բայց ինձ համար «ամենա»-ն այն առաջնությունն էր, որտեղ ես էի խաղում...
Երեւան կժամանի աշխարհահռչակ ֆուտբոլիստ Ռոբերտո Կարլոսը
Լատինական Ամերիկայի եւ Եվրոպայի վետերան ֆուտբոլիստներից կազմված հավաքականների Երեւանում կայանալիք հանդիպմանը կմասնակցեն այնպիսի լեգենդներ, ինչպիսիք են...
Բացառիկ հնարավորություն լեգենդի հետ լուսանկարվելու համար, ինչպես նաեւ շահելու Լեգենդների խաղի տոմս
Խաղարկությունը կացկացվի ամեն օր fcyerevan.com կայքում...
Լեգենդար Չավին՝ հայկական գինու, Մեսսիի ու իր երազանքների մասին (ֆոտո)
Մեկ խաղացողի անուն տալը բարդ է, քանի որ «Բարսելոնան» ավելի ուժեղ դարձնելու համար պետք է ֆենոմենալ հատկանիշներ ունենալ․․․
Նունու Գոմեշն իր կարիերայի լավագույն եւ վատագույն հանդիպումների եւ ֆուտբոլի աշխարհի առաջնության մասին (ֆոտո)
Հայտնի պորտուգալացին բացառիկ հարցազրույց է տվել NEWS.am-ին....
Ամենաշատ
Partner news