«Հայկական ժամանակ» օրաթերթի գլխավոր խմբագիր, քաղբանտարկյալ Նիկոլ Փաշինյանին Այսօր` նոյեմբերի 30-ին «Կոշ» քրեակատարողական հիմնարկից տեղափոխել են «Արթիկ» քրեակատարողական հիմնարկ: Այս քայլը Աարդարադատության նախարարության քրեակատարողական վարչության մամուլի քարտուղար Արսեն Բաբայանը բացատրել է Նիկոլ Փաշինյանի անվտանգությունն ապահովելու անհրաժեշտությամբ: Ընդ որում, «Արթիկ» ՔԿՀ-ում քաղբանտարկյալը մնալու է առանձին խցում` փակ ռեժիմով:
Սա, ըստ Փաշինյանի կնոջ` Աննա Հակոբյանի, արվել է նրա համար, որպեսզի խոչընդոտվի Նիկոլ Փաշինյանի լրագրողական գործունեությունը եւ նա գրելու հնարավորություն չունենա:
Հիշեցնենք, որ այսօր Նիկոլ Փաշինյանի անվտանգությունն ապահովելու պահանջով հայտարարություն են տարածել ստեղծագործական միությունների ղեկավարները: Մինչ այդ մեծ հասարակական աղմուկ էր բարձրացել այն կապակցությամբ, որ ՔԿՀ-ում հարձակում էր տեղի ունեցել Նիկոլ Փաշինյանի դեմ, որից հետո 100-ից ավելի մտավորականներ հանդես եկան հայտարարությամբ, պահանջելով ազատ արձակել լրոգրողին: