Սիրիական Հալեպ քաղաքում սկսել են վերականգնել հին հայկական Սրբոց Քառասնից Մանկանց եկեղեցին, որը բազմիցս հարձակման է ենթարկվել զինյալների կողմից: Մեծածավալ վերականգնողական աշխատանքներ են անհրաժեշտ, դրանք առնվազն երկու տարի կտեւեն:
Հին Հալեպում մինչեւ վերջերս արկեր էին պայթում: Մարտերի ընթացքում չի վնասվել միայն զանգակատունը, բայց լրջորեն վնասվել են տաճարի պատերը: Տաճարը, սակայն, ապրում է. զանգերի ձայնը լսվում է ամբողջ թաղամասում:
Վերանորոգման համար անհրաժեշտ շինանյութն արդեն բերել են: Հարկավոր է վերականգնել ոչ միայն ավելի քան 500 տարեկան եկեղեցու արտաքին տեսքը, այլեւ ներքին հարդարման աշխատանքներ կատարել: Եկեղեցու վերականգնման համար անհրաժեշտ գումարի մի մասը տեղի բնակիչներն են հավաքել, ընդ որում՝ ինչպես քրիստոնյա, այնպես էլ մահմեդական համայնքները:
