Թուրքիան եւ Իսրայելը մտադիր են մինչեւ տարեվերջ համաձայնագիր ստորագրել գազատարի կառուցման մասին` ԵՄ գազ մատակարարելու համար, չորեքշաբթի հայտնել է Իսրայելի ազգային ենթակառուցվածքների, էներգետիկայի եւ ջրամատակարարման նախարար Յուվալ Շթայնիցը` Ստամբուլում կայացած Նավթի համաշխարհային 22-րդ կոնգրեսի ընթացքում:
«Մենք արդյունավետ զրույց ենք վարել թուրք գործընկեր Բերաթ Ալբայրաքի հետ: Հույս ունեմ, որ նա մինչեւ տարեվերջ Իսրայել կայցելի բանակցային գործըթացն ավարտելու եւ համաձայնագիր կնքելու համար»,- Շթայնիցի խոսքն է մեջբերել Anadolu-ն: Նրա խոսքով` Ալբայրաքի այցելության կոնկրետ ժամկետը կորոշվի առաջիկա ամիսներին:
Շթայնիցը հայտնել է, որ Թուրքիայի եւ Իսրայելի միջեւ գազատարի կառուցման նախնական միջակառավարական համաձայնագիր կնքելու որոշումն ընդունվել է բանակցությունների 4 փուլի արդյունքներով:
«Ներկա պահին ինտենսիվ բանակցություններ են վարվում 2 խողովակաշարերի կառուցման շուրջ: Դրանցից մեկը ծրագրում ենք կառուցել Թուրքիայում, իսկ այնուհետեւ` ԵՎրոպայում: Մյուս խողովակաշարը նախատեսվում է կառուցել Հարավային Կիպրոսով եւ Հունաստանով մինչեւ Իտալիա»,- նշել է նախարարը:
Շթայնիցը հայտնել է, որ Իտալիայի կառավարությունը իսրայելական գազի փոխադրման նախագիծը իր երկրի համար ամենանախընտրելին է համարել: Ես 2 նախագիծն էլ կարեւոր եմ համարում»,- ասել է նա` նշելով, որ Իսրայելը բավարար պաշարներ ունի 2 խողավակաշարով գազ մատակարարելու համար: