Հայկական շուկայում գրավիչ պայմաններ են ստեղծվել, ինչը կարելի է ներկայացնել արտասահմանյան ներդրողներին։ Այս մասին հուլիսի 13-ին հայտարարեց «Մենեջմենթ Միքս» ընկերության ղեկավար Րաֆֆի Սեմերջյանը։
Նրա հավաստմամբ՝ Եվրոպայի մի շարք երկրների համեմատ՝ Հայաստանում հարկահավաքության պայմանները շատ ավելի ընդունելի են։
«Դրա հետ մեկտեղ՝ Հայաստանում լավ կրթություն եւ լավ մասնագետներ գոյություն ունեն։ Բացի այդ, այլ երկրների համեմատ՝ նման մակարդակի մասնագետների աշխատավարձերը շատ ավելի ցածր են»,- նշեց Սեմերջյանը։
Նա, սակայն, խոստավանեց, որ եթե համեմատենք ԱՄԷ-ի եւ Վրաստանի հետ, հարկահավաքության ոլորտում Հայաստանը բարեփոխումների կարիք ունի։
