Սուդանը կշարունակի ԱՄՆ հետ համագործակցությունը, այդ թվում՝ հետախուզական տեղեկությունների փոխանակման ոլորտում, նույնիսկ կոմիտեի աշխատանքի դադարեցումից հետո, որը ստեղծվել էր պատժամիջոցների չեղարկման բանակցությունների համար։ Այս մասին հայտարարել է Սուդանի ԱԳ նախարար Իբրահիմ Հանդուրը, փոխանցում է Reuters–ը։
«Մենք շարունակում ենք երկկողմանի մակարդակով համագործակցել Միացյալ Նահանգների հետ։ Համագործակցությունը կշարունակվեի հետախուզական ծառայությունների կամ ԱԳ նախարարությունների միջեւ»,– ասել է Իբրահիմ Հանդուրը։
Ավելի վաղ հաղորդվել էր, որ Սուդանի նախագահ Օմար ալ Բաշիրը դադարեցրել է կոմիտեի աշխատանքը, որը ԱՄՆ հետ ստեղծվել էր, երբ Վաշինգտոնը 3 ամսով հետաձգել էր Սուդանի դեմ պատժամիջոցները չեղարկելու որոշումը։
ԱՄՆ նախկին նախագահ Բարաք Օբաման հայտարարել էր 20–ամյա պատժամիջոցների չեղարկման մասին։ Սակայն այս քայլի իրականացումը 6 ամսով հետաձգվել էր, որպեսզի Սուդանին հնարավորություն տան Վաշինգտոնի 5 պահանջներով առաջընթացի հասնել։