ԱՄՆ կոնգրեսի անդամները կմասնակցեն խոսքի ազատության պաշտպանության բողոքի ակցիային։ Ակցիայի կազմակերպիչները Թուրքիայի նախագահի թիկնապահաների հարձակման զոհերն են՝ Վաշինգտոնում Անկարայի դեսպանատան մերձակայքում։ Այս մասին հաղորդում է Ամերիկայի հայ դատի հանձնախումբը։

«Ոտքի, հանուն խոսքի ազատության» կարգախոսով ակցիան տեղի կունենա հուլիսի 19-ին։ Բողոքի ակցիային կմասնակցեն կոնգրեսականներ Դանա Ռոհրաբահերը, Ջիմ Մաքհովերնը եւ Դեյվ Թրոթը։

Հիշեցնենք, որ Վաշինգտոնի ոստիկանությունը 18 անձնանց ձերբակալության թույլտվություն է տվել, որոնք մեղադրվում են մայիսի 16-ին Վաշինգտոնում Թուրքիայի դեսպանատան մերձակայքում խաղաղ ցուցարարների վրա հարձակվելու մեջ։ Դրանց թվում են Թուրքիայի նախագահի 9 անվտանգության աշխատակիցներ եւ 3 թուրք ոստիկաններ։