Հուլիսի 17-ին Լիոնի քաղաքապետարանի քաղաքային խորհուրդն ընտրում է նոր քաղաքապետ։ Ամենայն հավանականությամբ նոր քաղաքապետ կդառնա գործող քաղաքապետ Ժերար Կոլոմի մշակութային հարցերով առաջին օգնական Ժորժ Կեպենիկյանը։ Գործող քաղաքապետն ինքն է առաջարկել Կեպենիկյանի թեկնածությունը, գրում է RCF-ը։
Կեպենիկյանի մասին հայտնի է, որ նա մասնագիտությամվ վիրաբույժ ուրոլոգ է, հայ գաղթականների որդի։ Կեպենիկյանը սկզբում հաջողության է հասել մասնագիտական գործունեության մեջ, իսկ հետո սկսել է ակտիվ քարոզել Լիոնի հիվանդանոցներում մշակույթ ներդնելու գաղափարը։ Իր գաղափարները նա իրականացրել է Centre Hospitalier Saint-Joseph Saint-Luc հիվանդանոցում, որտեղ 2005-ից սկսած զբաղեցնում է ռազմավարական զարգացման հարցերով տնօրենի պաշտոնը։
Բացի դրանից Կեպենիկյանը ակտիվ մասնակցում էր Հայոց ցեղասպանության ճանաչմանն ուղղված արշավին ու զբաղեցնում ադմինստրատորի պաշտոն Բուլուկյան հիմնադրամում։
Կեպենիկյանը միացել է Ժերար Կոլոմի թիմին 2008-ին, քաղաքապետի ընտրությունների ժամանակ։ Կալոմի ընտրվելուց հետո նա դարձել է մշակութային հարցերով առաջին օգնականը։