Հայտնվել են լուսանկարներ Հուրգադայի կուրորտներից մեկում զբոսաշրջիկների վրա հարձակման վայրից։ Հարձակումը տեղի է ունեցել Sunny Days El Palacio hotel հյուրանոցում։

Լրատվամիջոցները, վկայակոչելով Եգիպտոսի ՆԳՆ-ն, հայտնել են, որ ուկրաինացի երկու կին զբոսաշրջիկներ են զոհվել։ Վիրավորների շրջանում կան Լեհաստանի, Սերբիայի, Ուկրաինայի, Ռուսաստանի քաղաքացիներ։ Եգիպտոսում Հայաստանի դեսպանատունը հայտնել է նաեւ այն մասին, որ նախնական տվյալներով տուժել են Հայաստանի երկու քաղաքացիներ։ Որոշ լրատվամիջոցների տեղեկություններով, բոլոր տուժածները կանայք են։ Տղամարդը, որը դանակով հարձակվել էր հանգստացողների վրա, կալանավորված է։ Հարձակման դրդապատճառները դեռ հայտնի չեն։