Կարմիր ծով գավառի նահանգապետ Ահմեդ Աբդալլահը շտապ օգնության ուղղաթիռ է հատկացրել՝ Հուրգադայում հարձակման ժամանած տուժած զբոսաշրջիկներից մեկին Կահիրեի Նասերի անվան հիվանդանոց տեղափոխելու համար։ Այս մասին հաղորդում է «ՌԻԱ Նովոստի»-ն՝ վկայակոչելով «Ալ-Վասաթ» պարբերականը։
Ուրբաթ 28-ամյա տղամարդը Հուրգադայի հյուրանոցներից մեկի ծովափին դանակով հարձակվել է զբոսաշրջիկների վրա։ Դրա հետեւանքով զոհվել են Գերմանիայից երկու զբոսաշրջիկներ, եւս չորսը՝ Հայաստանի, Չեխիայի եւ Ռուսաստանի քաղաքացիներ վիրավորում են ստացել։
«Նահանգապետը հիվանդանոցներում այցելել է տուժածներին եւ համոզվել, որ նրանց վիճակը կայուն է»,-գրում է պարբերականը։
Հարձակվողը ձերբակալվել է։