Գերմանիայի իշխանությունները հաստատել են Հուրգադայում զբոսաշրջիկների վրա հարձակման հետեւանքով Գերմանիայի 2 քաղաքացիների զոհվելու փաստը, հայտնում է «Ֆրանս Պրեսը»:
«Այս պահին մենք ցավով կարող ենք հաստատել, որ Հուրգադայում հարձակման ժամանակ զոհվել են գերմանացի 2 զբոսաշրջիկներ»,- նշված է Գերմանիայի ԱԳՆ հաղորդագրության մեջ:
Ուրբաթ 28-ամյա տղամարդը Հուրգադայի հյուրանոցներից մեկի ծովափին դանակով հարձակվել է զբոսաշրջիկների վրա։ Դրա հետեւանքով զոհվել են Գերմանիայից երկու զբոսաշրջիկներ, եւս չորսը՝ Հայաստանի, Չեխիայի եւ Ռուսաստանի քաղաքացիներ, վիրավորում են ստացել։ Տուժածներից երկուսը ստացել են խորը թափանցող վնասվածքներ, 2 կին մակերեսային վերքեր են ստացել:
Հարձակվողը ձերբակալվել է: Հարձակման դրդապատճառները դեռես հայտնի չեն, սակայն տեղեկությունների համաձայն` հանցագործը, հնարավոր է, հոգեկան հիվանդությամբ է տառապում: Քննվում են նաեւ ահաբեկչության եւ կենցաղային վեճի վարկածները: