Մոսկվան կշարունակի աջակցել Սիրիայի հակամարտության կարգավորման հարցով ՄԱԿ-ի գլխավոր քարտուղարի հատուկ հանձնակատար Ստաֆան դե Միստուրայի ջանքերին եւ անհրաժեշտության դեպքում պատրաստ է խորհուրդներ տալ։ Այս մասին լրագրողներին հայտարարել է ՄԱԿ-ի ժնեւյան բաժնի Ռուսաստանի մշտական ներկայացուցիչ Ալեքսեյ Բորոդավկինը, փոխանցում է «ՌԻԱ Նովոստի»-ն։
«Մենք միշտ աջակցել եւ աջակցում ենք Սիրիյաի հարցով ՄԱԿ-ի գլխավոր քարտուղարի հատուկ հանձնակատարին եւ նրա աշխատակազմին։ Վերջին ժամանակներում նրանք ցույց են տալիս, որ մտադիր են ակտիվորեն համագործակցել բանակցային գործընթացի շուրջ, բավական հավասարակշռված են գործում, առաջընթացի հնարավորություններ փնտրում եւ հիմնական խաղացողների ընդհանուր կարծիքի հիման վրա ավելի ծանրակշիռ առաջարկություններով հանդես գալիս»,-ասել է նա։
Բորոդավկինը հավելել է, որ Մոսկվան կշարունակի աջակցել դե Միստուրայի ջանքերին, ինչպես նաեւ անհրաժեշտության դեպքում պատրաստ է խորհուրդներ տալ։
