Փարիզում ու Բրյուսելում հարձակումներ իրականացրած ահաբեկիչները զենքը պահում էին ավտոտնակում, որը գտնվում է Մելենբերգ քաղաքի դպրոցի տարածքում, հայտնում է Het Laatste Nieuws-ը։

Հայտնում են, որ քննիչները իմացել էին զենքի գտնվելու վայրի մասին, երբ ուսումնասիրել են Փարիզում 2015-ի նոյեմբերի 13-ին ահաբեկչության իրականացման մեջ գլխավոր կասկածյալի համակարգիչը։

Բելգիայի անվտանգության ծառայությունում նշում են, որ քննության վարկածով ահաբեկիչները զենքը թաքցրել էին ավտոտնակում, սակայն հարձակումից որոշ ժամանակ առաջ այն ուրիշ վայր էին տեղափոխել։