Բիլ Քլինոթնը թաքնվել է Ջորջ Բուշի ավագի ու Ջորջ Բուշ կրտսերի արձանների միջեւ։ Լուսանկարը Twitter-ում հրապարակել է նրա մամուլի քարտուղար Էնջել Ուրենյան, փոխանցում է Lenta-ն։
Լուսանկարի վրա Բուշերի կերպարները մոտավորապես մեկուկես անգամ բարձրահասակ են Քլինթոնից։ «Թեքսասում ամեն ինչ ավելի մեծ է»,- գրել էր հրապարակման հեղինակը։ Այս հրապարակումը տարածել է մեկուկես հազար մարդ։ Եւս հինգ հազարը լայք է դրել։
Ամերիկացի բանաստեղծ Դուգլաս Փաուելը առաջարկել է նախկին նախագահին մեմուարների գիրքն անվանել «Իմ կյանքը Բուշերի միջեւ» ( ի դեպ, bush թարգմանաբար նշանակում է նաեւ թուփ)։ Կանադացի լրագրող Դագ Սանդերսի խոսքով, լուսանկարը բավականին իրատեսորեն արտացոլում է 1990-ականները։
Ոմանք Քլինթոնին համեմատել են ամերիկյան կատակերգական սերիալների պերսոնաժի հետ։ «Ինչո՞ւ է նրա տեսքը միշտ նման սիթքոմի հերոսի, որը միշտ որեւէ պատրաստի խոսք ունի»,- գրել էր օգտատերերից մեկը։ «Շատ տարօրինակ գործեր» 2-րդ եթերաշրջան»,- մեկնաբանել էր մեկ այլ օգտատեր՝ նկատի ունենալով գիտաֆանտաստիկ սերիալը։
Քլինթոնն ինքը այդ լուսանկարը վերահրապարակել էր ու գրել․ «Ուշադրություն՝ մասշտաբը չփոխել»։